Orasaun

ORASAUN BA SANTO ANTÓNIO PADUA HOSI LISBOA.

(Ho orasaun ida ne’e bele tulun ita no lori ita nia harohan ba Na’i Maromak, liu hosi St. António.)

Gloriozu Santo António!
Ami fo honra ba Ita bo’ot nu’udar Na’i Maromak nia Atan, ne’ebé fiel no badinas.

Liu hosi Ita bo’ot nia harohan, Na’i Maromak halo ona milagre oi-oin iha povu nia le’et.

Iha moris tomak, Ita laran metin ba Maromak Nia Providênsia, hodi tulun ema ki’ik no kiak sira ho domin.
Ami hakbesik ba Ita futar oin ho esperansa ne’ebé bo’ot tebes, basá, rekoñese grasa wain lalehan nian nebe mak existe iha Ita bo’ot.

Ami fiar katak, Ita bo’ot sei harohan mai ami, husu tulun lalehan nian ba ami nia intensaun ida ne’e (temi intensaun ruma).

Santo António Aman diak!
Liu housi ami nia orasaun ne’ebé folin laek no ami nia sakrefisiu loro loron, ami hakarak oferese ba Aman Maromak hodi husu tulun ba ami nia intensaun ida ne’e.

Santo António, ami agradese tanbá Ita hanorin ona ami atu moris iha ksolok laran, maski iha difikuldade oi-oin ne’ebé mak ami hasoru iha ami-nia moris.

Santo António, obrigado ba ita nia harohan.
Haraik Ita-nia bensaun mai ami nafatin no ba ema sira hotu iha komunidade ne’e no mundu ida ne’e. Amem.

“Na’i rona ha’u nia harohan, wainhira ha’u hakilar ba Ita Bo’ot hodi husu tulun, no tane liman ba Ita Bo’ot Nia horik fatin Santo.’’ – (Salmo 28,2).

SANTO ANTÓNIO, HAROHAN MAI AMI NE’EBÉ HUSU ITA BO’OT NIA TULUN.

“Na’i rona ha’u nia harohan, wainhira ha’u hakilar ba Ita Bo’ot hodi husu tulun, no tane liman ba Ita Bo’ot Nia horik fatin Santo.’’ – (Salmo 28,2).